ഇടപ്പള്ളി നോർത്ത് ഗവൺമെന്റ് വൊക്കേഷണൽ ഹയർ സെക്കന്ററി സ്ക്കൂളിൽ ഗാന്ധിജിയുടെ 150 ആം ജന്മ വാർഷികാഘോഷങ്ങളോടനുബന്ധിച്ച് നടത്തിയ ‘വരകളിൽ മഹാത്മ ‘ പ്രദർശനം കാലടി സംസ്കൃത സർവ്വകലാശാലാ മുൻ വൈസ് ചാൻസലർ ഡോ.എൻ.സി.ദിലീപ് കുമാർ ഗാന്ധിജിയുടെ ചിത്രം വരച്ച് ഉദ്‌ഘാടനം ചെയ്തു. കാർട്ടൂൺ അക്കാദമിയുടെ ‘വരകളിൽ മഹാത്മാ’ സംസ്ഥാന കാർട്ടൂൺ പ്രദർശനത്തിന്റെ എറണാകുളം ജില്ലയിലെ തുടക്കം കൂടിയായിരുന്നു പരിപാടി.ഗാന്ധിജിയുടെ ഓർമകൾക്ക് മുന്നിൽ ചുമരുകളിൽ ചിത്രങ്ങളായും, കാർട്ടൂണുകളായും,വേഷത്തിലുമൊക്കെയായി കുട്ടികൾ പ്രണാമമർപ്പിച്ചു .
കുട്ടികൾ വരച്ച നൂറോളം കാർട്ടൂണുകളും 150 ഓളം ഗാന്ധി ചിത്രങ്ങളും ഒപ്പം ചിത്രകാരന്മാർ തത്സമയം വരച്ച ഗാന്ധിചിത്രങ്ങളുമായിരുന്നു പ്രദർശനത്തിൽ ഉണ്ടായിരുന്നത്.
ഗാന്ധി ജീവചരിത്രം ,ഡോക്യുമെന്ററി പ്രദർശന,ഗാന്ധി പ്രച്ഛന്നവേഷ മത്സരം തുടങ്ങിയവയും പ്രദർശനത്തിന്റെ ഭാഗമായി സംഘടിപ്പിച്ചു.
പി ടി എ പ്രസിഡന്റ് ബിജോയ് സ്രാമ്പിക്കൽ ചടങ്ങിന് അദ്ധ്യക്ഷത വഹിച്ചു.കേരള കാർട്ടൂൺ അക്കാഡമി ചെയർമാൻ കെ ഉണ്ണികൃഷ്‌ണൻ ,ഹെഡ്മാസ്റ്റർ വി രാജീവൻ ,ബാലകൃഷ്ണൻ കതിരൂർ തുടങ്ങിയവർ ചടങ്ങിൽ പങ്കെടുത്തു.
